唔係講玩，我上個月第一次用佢，我直頭唔鍾意到唔想介紹。。

每個人都有自己既偏好！我唔係唔鍾意 Sleeping Mask 呢樣野，我直頭係憎用 Sleeping Mask，我寧願皮膚差少少我都唔想成晚留一浸好黏既野係皮膚🤧

上個月中 TROI 寄左過黎 Office 話係新產品，叫我快 D 試，其實我見到上面寫住 Sleeping Mask 已經無咩興趣，而我一吱出黎，雖然發現佢係唔笠，Texture 仲幾得意同清爽，唔係傳統既 Cream 狀，不過一諗起要敷過夜，我即刻將佢，放埋一邊😒 跟住遺忘左佢。。。

直至到兩個星期前，TROI 問我試左未，想問我地既 Feedback 係點，我好誠實咁同佢講：一般般，興趣唔大，同埋 Sleeping Mask 呢樣野好似 Out Out 地。。

TROI 話：好笠？你有無用過夜？試真 D 啦，唔係你唔鍾意個 D Sleeping Mask 黎！

TROI 知我係好唔鍾意用 Sleeping Mask，又知我唔鍾意黏性好高既產品，最得意既係，幾年前係 TROI 既創辦人 Mrs Lee同我講，Sleeping Mask 係多餘，平時敷一塊好既 Mask 其實皮膚都已經飽和，無敷成晚既必要！但係唔緊要啦，試下敷囉😂

正式敷過夜既第一晚，唔係好瞓到，起身再問下 TROI ，其實係點架係咪我用錯左？

TROI ：可唔可以話比我知你係點樣用？

我話：就好似一般 Sleeping Mask 咁搽哂所有 Skincare 再搽埋 Cream 之後搽完就瞓覺咋！

佢話：唔怪得啦，唔係咁用架，呢隻 Sleeping Mask，唔使搽咁多野，洗完面搽完 Toner 就用得架喇！

我：呀。。。。！！

其實因為以我對 Sleeping Mask 既認知，絕大部份 Sleeping Mask 既用法係完成所有Skincare 之後用，先可以發揮到佢地既作用，成晚鎖住營養同水份，好處係真係成晚唔會乾，可以好密集咁吸收到好多營養，壞處就係會覺得好笠好唔舒服，甚至會營養過盛生粒粒。。

我跟住 TROI 既用法用左2個星期，用左 6次！我明啦！我知點解要用呢支 Sleeping Mask 啦，亦由抗拒變成鍾意，仲想 keep 住用！

Troiareuke Acsen SOS 皮膚深層睡眠急救面膜，講到明有好多功能！但係係我既皮膚上面，有 3個好明顯既分別！

一．敷完第二日，塊面好平滑，摸落滑得黎無左小毛孔同埋既粗糙感！

二．用完個幾日皮膚好軟熟！下巴既粒粒終於唔再爆，完全平哂！

三．我已經一 D 都唔再抗拒用佢！

而我會用佢既理由係，佢比到一般 Sleeping Mask 比唔到既野我！

佢既重點係”Sleeping”，唔係”Mask”，以前所有既 Sleeping Mask，重點就係令用家可以敷一整晚既”Mask”，但係皮膚吸收唔到之餘，太油膩既 Texture 反而好易令皮膚出現油脂同粒粒問題！佢同傳統既 Sleeping Mask 掉返轉，就要皮膚休息！同埋製造一個好好既修復環境！

一般用 Sleeping Mask 前如果要搽咁多野，成晚迫住皮膚吸收無得休息，短暫可以 Chur 得皮膚好盡，但長遠唔會係一件好事，如果唔想皮膚負荷太重，試下呢個方法，比皮膚一星期有 1-2晚做個大休息！

洗完面，搽完爽膚水之後搽 SOS 皮膚深層睡眠急救面膜。

雖然 Sleeping Mask 一定要夠厚，但佢絕對唔係個種會笠成晚既 Sleeping Mask，佢係會變得好薄，吸收得好犀利，都幾快下。。10分鐘之後佢會變成一塊近乎唔覺得佢存在緊既薄膜，即使無搽 Serum 同 Cream 都仲係好有安全感 <3

佢要做既野就係將皮膚帶入一個深層睡眠，拎盡皮膚休息既時間，既然呢段時間係比皮膚休息既，就唔好比過量既營養佢，比好好既環境佢去休息就 OK！

佢比皮膚既唔係過量既營養，而係必要既氨基酸、礦物質、酶、蛋白質、抗氧化劑同維生素，營造一個好既休息環境比皮膚，確保皮膚係放鬆穩定既狀態，令佢可以自我修復。

另外平時如果我地想短時間入面去角質，我地會做 Peeling 或者磨沙，而 SOS Sleeping Mask 係可以完全無刺激下軟化皮膚角質，用盡所有保濕因子！除左可以加強皮膚抵抗力之外，佢仲可以幫助皮膚軟化角質，所以敷完佢第二朝洗面既時候會覺得好滑！

TROI Suggest 左 2個用法比唔同既膚質：

如果係中性、混合性、油性+暗瘡，可以好似我咁淨係搽爽膚水就用，夠哂！

如果係偏乾，鍾意滋潤，又無粒粒既問題，係可以貪心小小加 DD Serum 同一 D 較薄既 Cream 先再搽 SOS Sleeping Mask。（韓國偏乾佢地會鍾意咁用！）

我自己就鍾意簡簡單單直接用，我覺得已經好夠！覺都係咁訓，但係可以令到個覺變成美顏覺，咁樣訓覺充實好多😎