正！今日推出新法寶😂 佢係 Pitanium 妝修佬👷🏻‍♂️

自問先天皮膚質素反覆不定， 多數情況好乾，唔多粒粒，毛孔唔算明顯，但係就易起乾紋，所以我會好比心機敷Mask，到Period 前後或者唔戒口既話，就會狂生粒粒、石頭瘡同埋見到自己毛孔變大，狂敷Mask 都無用。不過我化妝可以遮得好好好好（唔近睇既話）😂  如果加埋佢，個妝直頭可以零瑕疵、零毛孔、超滑、見唔到乾紋，幾近睇都係超滑！

以前學化妝，第一堂就係教你點樣打好個底，皮膚質素好既，唔使搞咁多野，但係大多數人都係有好多唔同既問題。

暗啞既皮膚，我地會用提亮既Base，乾既皮膚，我地會同佢做好保濕，甚至要妝前敷Mask 碌機，而毛孔粗大同紋，係最難搞既。。

因為第一堂Miss 就同我地講，暗瘡印有得搞，斑有得搞，紋身都有得搞，用一D 勁既遮瑕膏就得，但係毛孔係最難搞因為佢唔係用色素可以遮既野，顏色只係掩眼法，局限係平面，凹凸不平既地方，淨係靠顏色去遮係好有難度！

幾年前有一隻新Product 出現左，佢叫做第一代既 Primer！佢正正係改變緊化妝係平面呢個Concept，用左佢，裏面膠膠地既物質會食哂入紋同毛孔入面，摸落好滑好平，上妝後粉底就唔會因為食左入毛孔而顯左出黎，用左仲唔會點出油，成為左毛孔大既救星！

後來第一代既 Primer，慢慢又變到唔係好受歡迎，因為好多用家用耐左會出油脂粒，原來係D 油谷住左係入面出唔到黎，發現左呢類Product 都係加左「矽」落去封住皮膚，好處係唔會點出油，Keep 到好耐，而副作用就係Blend 得唔好會好容易出擦子膠碎，之後個妝就救唔返要成個落左再黎過，仲會Block住毛孔，令皮膚又抖唔到氣，入面既野又排出唔到。之後攪到好多皮膚問題。

第一代既Primer，我會咁講，係真係搞唔掂D 毛孔同油脂，無辦法之下先要用佢！

Pitanium 妝修佬👷🏻‍♂️ 絕對係新一代Primer，唔再係塞住皮膚唔比D 油同毛孔出黎，用左個妝滑到不得了，唔會用矽，唔會對皮膚唔好。任何時間都應該用佢，除左個妝好靚、好滑、好爽、好貼之外，毛孔肌。。會變無孔肌！

朝早洗完面搽完哂爽膚水精華之後，拎少少，全面打圈上！立體填補底妝就係咁😈 好似水份Gel 既質地會入左紋同埋毛孔到做填充，用完之後好似美肌app 咁Blur 左D 瑕疵而成個妝全日都會好平滑，皮膚本身好既更啞緻，本身毛孔勁或者多凹凸洞既，佢會大幅修飾！我叫呢一種質感做啞緻絲絨霧面效果，橫睇掂睇，個妝都有一個大升lv.！

一用上面就知咩事，一搽上面，好舒服，佢同以前我用過會Block 住毛孔既Base 唔同，果種係滑得黎你摸到有層膠膜係皮膚！而Pitanium 妝修佬👷🏻‍♂️ 係一下就吸哂皮膚入面，個Texture 仲凍凍地，係底層泵番漲皮膚令紋同埋毛孔消失！最神奇既地方係，以前化完妝果一刻係水潤 > 過左一陣之後會變乾，出紋 >> 最後就會開始出油，一撻撻同溶妝！妝修佬，你岩岩用完佢，覺得好Matt，等等下，幾個鐘之後唔會變乾，仲Keep 住係冰涼同補住水既感覺，慢慢仲會有少少光澤感係皮膚裏面透出黎！

因為，Pitanium 妝修佬👷🏻‍♂️係完全用左反傳統既新配方，以前既Primer 真係要用好多好多矽(Silicone)去封住毛孔先做得到前後咁大差別，Pitanium 妝修佬👷🏻‍♂️ 唔好理，總之好犀利😂 零矽、零防腐劑、零礦物油、零D5、零Paraben，仲加入左大量修復精華，同埋儲水粉末，係100% 既Makeup Care🤓

儲水粉未係會因應皮膚既水份含量而調節水份既供應，即係話，當妝修佬👷🏻‍♂️ 入面有大量儲水粉未，而當呢一D 儲水粉未接觸到缺水既皮膚之後就會分解同埋釋放水份同埋修複因子，令所有妝容都可以持久擁有充足既水份😎 當你皮膚夠水份就唔會升溫，唔會出油，唔會溶妝 <3

再講多一次程序啦！

妝修佬幾時用？記住喇！最快係係洗完面爽膚水精華之後，就可以搽妝修佬，無技巧，打圈搽！等妝修佬吸收哂之後呢就可以搽表皮匠/月光寶盒/其它粉底！

但係如果係會搽止外光或其他防曬產品就要搽晒防曬先再搽妝修佬！會更加貼服！

就係咁簡單，只要跟住呢個次序，手殘都可以化到一個無孔妝！